大家都真係小心揸車。大埔公路出事嗰日，係各大小醫院收到Trauma Call嘅醫護人員，個心應該好沈重好心Up。Victim身體加埋心靈上嘅傷害，唔係一頭半個月就會好返。俾人拆散左嘅家庭更加無辜。adjustment, depression, anxiety, Abn grief, PTSD 等等… 仲有漫長嘅等賠償，甚至乎對九巴嘅訴訟等繁複程序，唔係呀官員們出嚟表示你好悲痛，向死傷者問候，取消個初二煙花就能夠彌補。呢幾日都聽太多車禍不停嘅報道，我都唔再多講啦。
千千萬萬個轉線唔打燈嘅大貨車、亂飛車但係最尾咪又係喺個燈位到見返你嘅跑車、嫌你揸得慢喺後邊死貼住Tailgate你嘅的士、非法改裝車頭燈，光到你帶黑超都仲係燈住晒嘅唔型7人車、揸車要踩住兩條線揸嘅P牌仔、臨急臨忙發現自己行錯路Cut雙白線嘅貨Van、唔鬼識出迴旋處，搞到後邊架車Dub到阿媽都唔認得嘅大命Tesla L，仲有琴日全程閃我燈，用高燈招呼我，仲要係咁「必」我叫行得快D嘅波子⋯⋯我唔會同你講「行得咁快，趕住去死咩？」不過，大家都唔該出入平安好唔好？唔識揸車就再搵人補下鐘，或者上啲駕駛改進課程，尤其是改進你哋啲駕駛態度，OK？平平安安過新年好唔好？
～～～
收爐！
大家開開心心過新年啦！
Search